Skipnavigation Virtuelles Museum zur Geschichte Mecklenburgs und Vorpommerns

Springe direkt zu:

Menü öffnen
Handwark un Industrie | 1850 bet 1900 | Vörpommern bet 1945

Dampmaschin ut de Maschinenfabrik Lilienthal Berlin

Bild
  • 1889,
    125 cm lang

Dat is dat einzigst Exemplar vun de Lüttdampmaschin vun Otto Lilienthal, de sick erhollen hett un de nu noch funktschionieren deit. Sei stammt vun de Berliner Dampkätel- un Maschinenfabrik. 2014 hett dat klappt, disse Dampmaschin in Australien för dat Lilienthal-Museum tau köpen. Dat Land Mäkelborg-Vörpommern un de Kulturstiftung vun de Bunneslänner hebben dorbi hulpen.

De statschionäre, vun twei Sieden andräben Einzylinder-Kolbendampmaschin kunn ein ok an de Wand hangen. Sei hett de Seriennummer 137. Sei weigt 245 Kilo un de Hub vun denn Kolben is 150 mm. So hett sei ‘ne Leistung vun 5 PS (3,7 KW).

Interessant is, dat de Dampzylinder mit’n Drägerblock uphungen is. Dat Enn vun de Schlussplatt‘ vun denn ünnelsten Utlegger vun denn Drägerblock is de Zylinderdeckel. De is taugliek de boebelste Verschluss u nun doran hangt de fast inschruuft‘ Zylinner. Dat Stopp-Büssen-Gehüüs för de Kolbenstang is ok Deil vun denn iesengaten Drägerblock. De Ünnersiet vun denn Zylinder is mit ‘n normalen Zylinderdeckel tau. Up de Vördersied vun denn Zylinder is ein missingsch Firmenschild an, dat vull is vun Ornamenten, Schmuck un Zierraten.

Text: B. L.

Veröffentlichung mit freundlicher Genehmigung des NDR Landesfunkhauses MV

Dat Originalutstellungsstück finnst du hier:

Dit Utstellungsstück hüürt tau:

Kontakt

Otto-Lilienthal-Museum

Ellbogenstraße 1
17389 Anklam/Vorpommern