Walter Moras: Schiffswarft Anklam
Walter Moras (1856–1925): Schiffswarft Anklam
2. Hälft vun dat 19. Johrhunnert, 72 cm breid
Dat Bild wiest’n Seilboot mit einen Mast, dat up Kiel liggt un vun dat dat Ünnerdeil all Planken hett. Ein anner Schipp ward fardig makt för’n Stapelloop. In denn Vördergrund is tau seihn, dat dor Pick kakt ward tau’n kalfatern vun de Ritzen twüschen de Planken.
De Berliner Landschafts- un Vedutenmaler Walter Moras wier’n Schäuler vun Perfesser Herrmann Eschke un hett ümmer egal wech in de Groten Berliner Kunstutstellung Biller utstellt. Hei wier ein vun de Friluftmalers, de in de tweite Hälft vun dat 19. Johrhunnert as Sommergäst nah Mäkelborg, Pommern un Rügen führt sünd, üm sick dor inspierieren tau laten.
Text: W.H., W.Ka.
Dit Utstellungsstück hüürt tau:
Vörpommern bet 1945
Dat Originalutstellungsstück finnst du hier:
Museum im Steintor
Schulstraße 1
17389 Anklam/Vorpommern