De Dassel vun ein Ur- orrer Auerossen (lat. Bos primegenius)

funnen in den nüürdlichen Deil vun den Ibitzgrawen bi Grimmen,
Knaken mit Tähnen an, 13. Johrhunnert vör Chr. Bronzetied,
110 cm lang, de Hüürn 80 cm wied

An den 28. Juni 1989 hett de Baggerführer Hans-Jürgen Rogge bi de Arbeit an ein Melioration de Oewerresten vun Knaken in den Glodder vun ein Grawen funnen. Rutstellt hett sick, datt dat de Hüürn vun den Dassel vun ein Dier sünd. Gerhard un Helmhold Strübing hebben denn wiederbuddelt un an den 8. Juli den Keef mit alle Tähnen an funnen. Dorbi ok noch denn Dreihwarwel un noch söben anner Warwels vun denn Nack funnen. Allens wier vun ein wilden Bullen. Anner Deile vun dat Geripp wieren nich tau finnen.

De Ur orrer Aueross hüürt tau de "urpommersch Diere". Dat Ur is vör üm un bi 11.500 Johren an dat Enn vun de letzt Iesttied vun Süden herkamen. Ofschonst hei so grot is, hebben sei em in de Mitt vun dat 16. Johrhunnert liekers giern jagt. So wüür hei ganz un gor utrott‘.

De Dassel is oewer 3000 Johren olt un ut de Bronzetied, wat sei mit de Radiokarbonmethod faststellt hebben. As dat mastige Dier dotbläben is, wier dat grad 4 Johren olt un wier lebennig woll 1500 Kilo schwor.

Ein kann nich miehr rutfinnen, woans dat wier: Hett ein Jäger ut de Bronzetied dat Dier hetzt un denn is dat dot in dat Muur versapen? De Dassel un de Warwel wiesen kein Sporen darvun, dat dat Dier anschaten wier.

vörwards

Text: S.F.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Museum Im Mühlentor Grimmen

Museum Im Mühlentor Grimmen

Mühlenstraße 9a
18507 Grimmen


museum@grimmen.de

www.grimmen.de