Schuppenkarpen (Cyprinus carpio)

Huutplastik 1891

An dat Enn vun dat 18. Johrhunnert fangt Adolph Christian Siemssen (1768–1833) all an, de Fisch‘ vun Mäkelborg wissenschaftlich tau beforschen. Hei is Magister un Privatdozent in Rostock. 1794 schrifft hei sien Bauk „De Fisch‘ vun Mäkelborg“ œwer de Oorten vun Fisch in de Binnenseen un ok in de Ostsee. In dat 19. Johrhunnert kriggt dat vun Maltzan‘sch Naturhistorisch‘ Museum för Mäkelborg bannig interessante Utstellungsstücken œwer de Fisch‘ vun Mäkelborg. Ollig poor vun de Huutplastiken, de noch hüüt gaud erhollen sünd, sünd in de Utstellung tau bekieken.

Ut dat 20. Johrhunnert stammt de wissenschaftlich‘ Dokumentarplastik vun einen Wels ut den Hinbargsee (tau de Tied Kreis Waren). Dat staatsche Dier hett 53 kg up de Waag bröcht. In de Binnenseen un -waterlööp läben hüüt bi 60 Oorten Fisch un Rundmuulfisch‘, wat wi vun Ünnersäukungen ut de verläden Johren weiten. In‘t Müritzeum gifft dat bi 50 Oorten tau bekieken.

vörwards

Text: R. S.

gelesen von Norbert Schröder

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Müritzeum

Müritzeum

Zur Steinmole 1
17192 Waren (Müritz)

info@mueritzeum.de

www.mueritzeum.de/