Bohr-Ierdproppen

• 7 m hoch

De Bohr-Ierdproppen verlööft uns ‘n besünnern Inblick in de Ierdgeschicht. Hei liggt in dat „Sammlungshuus“ in‘t Müritzeum. De Ierdproppen is de Bewies för den Upbuug vun de Ierdschichten hier in de Gägend: Lockerstein is tau seihn un ok Fossilien, as Tüügen för Planten un Diere, de hier in verläden Tieden mal läwt hebben. De geologisch‘ Erkunnung vun de Ierdschichten, de 1983 an den Rand vun de Stadt Waren makt worn is, süll eigentlich ‘n Uurt finnen, wo sei Warmnis ut de Ierd fördern künnen. De Bohrung geiht 1,5 km deip, wo sei up Ierdschichten dröppt, de 250 Millionen Johren olt sünd, de also tau dat Trias hüüren.