Afbild vun Ernst Boll

• Ierst Sekretär vun den „Verein Frünnen vun de Naturgeschicht in Mäkelborg“

1847 grünnt sick up Anrägung vun den mäkelbörger Gaudsbesitter Albrecht vun Maltzahn, de sick siehr för de Natur begeistert, de „Verein Frünnen vun de Naturgeschicht“. Tau‘n Sekretär ward de Privatgeliehrte Ernst Friedrich August Boll (1817–1868) wählt. Hei is‘n Naturgeliehrten, de väl weit un kann. Miehr as 20 Johren blifft hei de Mann, de den Verein stüert un vöran bringt. Disse Verein gifft taun iersten Mal all de Naturforschers vun Mäkelborg de Möglichkeit, tausamen tau arbeiten un sick œwer de Arbeit uttauschnacken. Jedet Johr kümmt vun den Verein dat Blatt „Archiv“ rut. Disse Publikatschion wiest as‘n dägten Speigel, womit sick de Naturforschers in Mäkelborg allens afgäben hebben.

Ernst Boll is ok dejenige, de 1866 de Mitglieders vun den Verein anfüert, dat nieg grünn‘te „vun Maltzahn‘sche Naturhistorisch‘ Museum för Mäkelborg“ tau ünnerstütten un naturkundliche Sammlungen dorför aftaugäben.