Pokal vun dat Rostocker Bäckeramt

Dat Bäckerhandwark is ein vun de, de an besten loopen an’t Enn vun de Hansetied in Rostock. De Gill hett väle Maaten. Sei koenen sick ein dullen „Willkamen“ leisten. De Gill will sick dormit ok wiesen un prachern, wo gaud sei in de Gäng sünd. De Pokal is ganz un gor nah de Mod‘ vun dat tiedige Barock makt. Fiegeliensche Goldschmittarbeit is an de Sieden un ok bi den finzeligen Faut tau marken. De Afbiller as Reliefs sünd tau’n Deil tau’n Hoegen un Vergnäugen.