Modell vun ein „Niegbuernhuus“

üm 1948, 65 cm lang

Nah den 2. Weltkrieg is in Nuurden, besünners in de Sowjetischen Besatzungszone, dat grote Problem, de välen Flüchtlings un de Lüüd, de vun woanners verdräben wieren, Hüüsung tau gäben. An den 9. September 1947 gifft de SMAD den Befähl 209 rut, de as „Niegbuern-Buugprogramm“ in de Geschichtsbäuker steiht. So warden Hüüser buugt, in de nich väl Buugmaterial rinsteckt ward un de so dacht sünd, dat Minschen und Veih ünner ein Dack läben koenen. 

De Niegbuern kriegen gaude Kredite (miehr as 11.000 DM dörften‘s nich utgäben un dorvun koenen 8000 DM Kredit sien). Dortau gifft dat 5 Pund Nagels un 3 Zentner Zement. Dat is ein Modell vun dat Massivhuus L521, dat in de Oort un Wies väl buugt ward. Dat Huus is för 3 Personen dacht‘ un hett 74,4 Quadratmeter un dorup ‘ne Stuuf, ‘ne grote Koek, ‘ne Dackstuuf orrer twei Kamern un den Stall.

vörwards

Text: F. H.

Dit Utstellungsstück hüürt tau:

Mäkelborg-Vörpommern

Dat Originalutstellungsstück finnst du hier:

Kreisagrarmuseum Dorf Mecklenburg

Kreisagrarmuseum Dorf Mecklenburg

Rambower Weg
23972 Dorf Mecklenburg

agrarmuseum@nordwestmecklenburg.de

www.nordwestmecklenburg.de Kreisagrarmuseum Dorf Mecklenburg

Franz-Parr-Platz 10
18273 Barlachstadt Güstrow

stadtmuseum@guestrow.de

www.guestrow.de/stadtmuseum