Mäkelborger Haken

üm 1880

Dat Wichtigst bi de Landwirtschaft is de Bodden. Woans ein sick mit den Bodden anfrünnt, woans ein em behannelt, erhöllt un ein Upschwung in de Fruchtborkeit rinkriggt, steiht för den Buern an vördelste Städ. De Moeglichkeiten, woans‘n den Bodden ümbräken kann, hebben sick ierst in de verläden hunnert Johren ännert. De Agrarreformen vun Europa in dat 18. un 19. Johrhunnert hebben den Plaug bröcht, de de Ierd ümbräken deit un an de Sieden Blicken anbuggt hett, dat de Bodden vun ünnen nah baben kiehrt ward.

An väle Städen blifft oewer de Hakenplaug, de den Bodden blot upritt, bet tau dat 20. Johrhunnert an de ierste Städ. De „Mäkelborger Haken“ mit‘n Vörderwagen is üm 1880 makt un mit em wüür up den Hoff Carlsthal (Nuurdwestmäkelborg) pläugt. Pier hebben em treckt. De Landmann, de dissen 70-Kilo-Haken höllt un führt, schafft dat, an einen langen Arbeitsdag so bi 0,3 ha Ierd ümtauwöltern.

vörwards

Text: F. H.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Kreisagrarmuseum Dorf Mecklenburg

Kreisagrarmuseum Dorf Mecklenburg

Rambower Weg
23972 Dorf Mecklenburg

agrarmuseum@nordwestmecklenburg.de

www.nordwestmecklenburg.de Kreisagrarmuseum Dorf Mecklenburg

Franz-Parr-Platz 10
18273 Barlachstadt Güstrow

stadtmuseum@guestrow.de

www.guestrow.de/stadtmuseum