Deile von einen Halfharnisch: Bostplatt, Oberarmpanzerung, Oberschenkelpanzerung

Disse Deile hebben woll Lüd von de Rostocker Börgerwehr orrer Stadtsuldaten tau Faut anhatt’. Sei sünd infach, œwer gaut makt, so dat’n seggen kann, dat de Plattner von hier vernüftig’ Arbeit makt hett. Plattner wieren besünners utbillte Schmitts, de t. B. in’n kollen Taustand ut’ne Platt so’n Bostharnisch drieben kunnen, wat ’ne viegelische Sak wier. Tau de Utstattung hebben noch’n Helm orrer’ne Sturmhauf, ’n iesern Achselkragen un de üm de Hüft schnallten Schöß’ hüürt. Dat de Platten üm de Schullern orrer de Bein as Schuppen anbröcht sünd, hett hulpen, dat’n sik beter in de Dinger bewägen kunn. Fastmakt würd dat allens mit Ledderriemens.