Stoffpopp

Linnen, Boomwull, 1946/ 47, 45 cm lang

Dat Lief vun de Popp is ut fien Linnen neiht un mit weik Material utstoppt. De Arm un de Bein sünd, as’n dat vun Gliederpoppen kennt, mit Quernäht an dat Lief anneiht, dat sei sick bewägen laten. De Kopp, bi den dat Gesicht fien utmodelliert is, is mit ein sieden Strump oewertreckt. Oogen, Mund un Näs’löcker sünd upstickt. Ok ut’n Siedenstrump makt, sünd de Zöpp an de Prüück, de as’n Middelscheitel upneiht is. De Popp hett ‘n Kleed an, as dat tau de Tied in de Mod‘ wier: düsterrodet Mieder ut Samt, mit ‘n Kragen un Puffarms un ein karierten Rock doran.

In de Sammlung gifft dat twei vun disse Poppen, de vun Hand makt sünd. De beiden seihn binah egal ut. Blot ein vun de beiden Poppen is gaud erhollen, de anner‘ is vun’t väle Spälen nuddelich un afgrawwelt. Dat Gesicht is binah ganz un gor kaputt. Direktemang nah den Tweiten Weltkrieg hett ‘ne Fru ut Schwerin de Poppen sülwst makt.

vörwards

Text: G. K.

Dit Utstellungsstück hüürt tau:

Mäkelborg-Vörpommern

Dat Originalutstellungsstück finnst du hier:

Mecklenburgisches Volkskundemuseum Freilichtmuseum Schwerin Mueß

Mecklenburgisches Volkskundemuseum Freilichtmuseum Schwerin Mueß

Alte Crivitzer Landstraße 13
19063 Schwerin

freilichtmuseum@schwerin.de

www.schwerin.de/freilichtmuseum