Poppenkarussell mit ‘ne Kurbel andräben

ut ein Filter vun’ne Gasmask‘ makt, 1948, 23 cm hoch

Dat Karussell wüür vun 1946 an, nah ein Patent vun Paul Walther, utklamüstert. Dat Dulle doran is, dat de ünnelste, de rod anmalte, Deil ut ein Filter vun’ne Gasmask‘ makt is. De steckt in de Midd‘ vun ein gräun anmalt Granathüls‘. An de Siet is in dat ünnelste Deil de Kurbel insett‘. In de Midd‘ hett de ‘ne passig Schiew ut Gummi mit ein rubbelig‘ Band vun buten. Dörch de Süül (Granathüls‘) geiht ‘ne Stang‘ bet tau dat lütt Dack. Disse Metallstang hett an’t ünnelste Enn‘ ok ‘ne Schiew ut Gummi, de mit de Kurbelschiew Kontakt hett.

Ward nu an de Kurbel dreiht, fangt dat Karussell oewer de Metallstang‘ oewersett‘, an sick tau bewägen. Dat rode Dack hett ‘ne wellig‘ Kremp. Upsett‘ is dat in de Midd‘ up de Metallstang‘ un mit ein hellblag Zylinderstück fastmakt. An de Kremp hangen söß lütte Gonnels an‘n Draht. Sei sünd wienrod, düsterblag un gräun anmalt un sünd ut Blick un Papp. De lütten Gummipoppen stammen ut de 1960er Johren.

vörwards

Text: G. K.

Dit Utstellungsstück hüürt tau:

Mäkelborg-Vörpommern

Dat Originalutstellungsstück finnst du hier:

Mecklenburgisches Volkskundemuseum Freilichtmuseum Schwerin Mueß

Mecklenburgisches Volkskundemuseum Freilichtmuseum Schwerin Mueß

Alte Crivitzer Landstraße 13
19063 Schwerin

freilichtmuseum@schwerin.de

www.schwerin.de/freilichtmuseum