Hölten Popp mit ‘ne Waterdracht (orrer Docke)

Holt, anmalt, Enn vun dat 19. Johrhunnert, 20,5 cm hoch

De Popp is ‘ne Frugensfigur un ut ein Stück dresselt. De utschnäden, platten Arm laten sick bewägen. Sei sünd mit Nagels an de Schullern fastmakt. Dat Gesicht un de Hoor sünd upmalt, de Näs is as Kiel ansett‘. Up de Schuller liggt, slichtweg mit‘n Nagel fastmakt, de Dracht tau‘n Waterdrägen mit twei Emmer an. Dat infache un naiv makte un mit bunt‘ Farwen anmalte Spältüüch wiest, woans de Welt vun de reelle Arbeit in de Spälwelt vun de Kinner rinspält. Oewer dat wiest ok, dat Waterdrägen ‘ne Arbeit för Frugens in Huus un Hoff wier. De Oort, woans de Figur makt is, gifft Utkunft doroewer, dat sick dat üm profeschionell maktet Spältüüch hannelt, dat oewer nich väl Geld kost hett.

Text: G. K.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Mecklenburgisches Volkskundemuseum Freilichtmuseum Schwerin Mueß

Mecklenburgisches Volkskundemuseum Freilichtmuseum Schwerin Mueß

Alte Crivitzer Landstraße 13
19063 Schwerin

freilichtmuseum@schwerin.de

www.schwerin.de/freilichtmuseum