Bodderform „Molkerie Gen. Neustadt i.H.“

De Bodderform is dresselt. Sei hett ‘ne dicke, kägelförmig Wand, ‘n graden afsett‘ten Bodden un ‘n Griff, de an‘t Enn dicker ward un up den de Form stahn kann. Up den Bodden, den Griff un dat ünnelste Deil vun de Wandung sünd Rillen as Zierrat anbröcht. De Wandungen sünd vun buten un vun binnen glatt un schier. Up den Bodden is de Ümschrift inschnäden: „Molkerei Gen. Neustadt i. Meckl.“ In de Midd in einen Rahmen is dat Wappen vun de Stadt: ‘n Mann mit Bort un Kragen un je ein groten Schloetel up beide Sieden.