Kaffeebesteck

De Goldschmitt Walter Kramer ut Ribnitz makt nah 1932, as siene Goldschmäd‘ ümmer grötter ward, den „Fischland-Schmuck“, den de Lüüd giern köpen. Dorbi gifft dat väle Motiven ut Seefohrt, Strand un See: Schäpen, Seestierns, Fisch‘ un sowat. Sei sünd ut Sülwer mit Bernstein besett‘. As dat gaud löppt, kamen fix Bestecken dortau un Töllers un Schalen un anner Finzelkram mit de „Fischland-Motiven“. In de Fabrik in Lübeck-Travemünn‘ warden denn noch miehr Besteckdeile makt.