Hans Porwoll: Mönchgauder Fru "Maria Kliesow ut Mariendörp"

Hans Porwol (1898–1984), Mönchgauder Fru "Maria Kliesow ut Mariendörp"
Öl up Linnen, Göhren,
üm 1930, 45 cm hoch

Dat Afbild "Mönchgauder Fru" wiest Maria Wilhelmine Luise Kliesow, buuren as ’ne Looks an denn 19. Januar 1869 in Altreddevitz. In November 1893 hett sei denn Büdner Heinrich Johann Karl Kliesow in de Kirch "St. Katharinen" Middelhagen friegt. Maria Kliesow is 1940 in dat Öller vun 71 Johren an ein Hartschlag storben.

De Hamborger Maler Hans Carl Theodor Porwol hett in Stuttgart up Kunst studiert un 1926 de Dochter vun denn Hegemeister Schwartz up Mönchgaud friegt. Hei is trüch nah Hamborg treckt, hett oewer bet 1935 ümmer wedder in Göhren malt.

Hei harr kein Geld nich, un so hett hei för "Kost & Logis" malt, wat em denn Ökelnamen "Brotmaler" inhannelt hett. Dat wier woll tau disse Tied in de Mod un so hett hei väle Afbiller vun Möchgauder Fischerbuern un Biller ut dat Dörpsläben malt.

Wiel de Maler’n gaudet Oog för Land un Lüüd harr, sünd de Biller ’ne bannig gaude Grundlag för de Arbeit vun de Mönchgaud’schen Museen. Dat Bild "De Mönchgauder Fru" hett de HO-Verkoopsstell (HO wier de Hannelsorganisatschion vun de DDR) an dat Museum gäben.

vörwards

Text: E.M.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Mönchguter Museen

Mönchguter Museen

Thiessower Straße 7
18586 Ostseebad Göhren


museum@goehren-ruegen.de

www.goehren-ruegen.de