Wendelring (Halsband) un Tüllenbiel

Bi dat Pläugen in de Nähg vun Grieben warden in denn Harwst 1933 de Oewerresten vun ein Wendelring ut Bronz funnen. In dat Fröhjohr 1934 ward de tweite Hälft un ein Tüllenbiel hochwöltert.

De Wendelring is in twei Stücken un ok verbagen. Hei is in sick dreiht un de Richtung wesselt dorbi soeben Mal. De Ennen sünd nich dreiht, sünd dwars schnäden vierkantig un sünd tau Haken bagen. Dat Stück hüürt tau de "breidriffigen Wendelringen" ut de late bronzetied un tiedige Iesentied.

Tau disse Tied hüürt ok dat Tüllenbiel. Dat is wat lütt un nüdlich, dat is oewer typisch för de Tied. De breiden Sieden sünd as Glocken un an denn Rand hett dat ‘ne Ös, de oewer dörchbraken is.

In de late Bronzetied un in de tiedige Iesentied hett’n so’ne Saken nich in dat Graff vun de Lüüd lecht. So kann dat angahn, dat hier ein Hort funnen is, wo woll Opfergawen vergrawen wieren.