Kinnertöller ut de Pension Wieseneck

Hotelpotzlaan,
herstellt vun Bauscher Weiden/Oberpfalz,
Verköper Otto Koch Stralsund,
üm 1915, 25 cm breit

De ovale Töller ut Hotelpotzlaan ut de Pension Wieseneck is för KInner makt. Hei is in drei Afdeilungen deilt un mit ein dünnen gräunen un ein breiden blagen Rand. Baben is updruckt: "PENSION WIESENECK Inh. Lina Hirsekorn".

Nah 1900 warden up Hiddensee ‘n poor grote Hotels buugt, so as dat Hitthim, dat Hotel tau’n Duurnbusch, de Pension Wieseneck un dat Bargwaldhotel Tau’n Klausner. Tauierst giwwt dat oewer noch kein Water un ok noch kein Strom. De Zimmermäken möten dat Water in de Waschschötteln un de Waterkräug‘ ümmer wedder upfüllen.

Dat Water kümmt ut de Hotelborns. De Stuben könen nich inbäut‘ warden un blot vun Mai bet September kann’n dorin wahnen. Liekers hebben de Hotels ok Luxus tau beiden. Dortau hüürt ok Geschirr mit’n eigen Updruck un/orrer mit Baukstaben vun de Besitter bedrucktet Besteck.

De Dochter vun de iersten Pensionsinhaber giwwt denn Töller 1976 dat Museum. (Heimatmuseum Hiddensee, utleihnt vun Erika Meding)

vörwards

Text: J.L.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Heimatmuseum Hiddensee

Heimatmuseum Hiddensee

Kirchweg 1
18565 Kloster / Hiddensee


kontakt@heimatmuseum-hiddensee.de

heimatmuseum-hiddensee.de